Asu
Gedhe Menang Kerahe
Dening : Esti Trihanifah
|
Tembung-tembung
ora kuwawa nggambarne elek e penjudi togel sing siji iki. Sopo wae wis jajal
nuturi mulai wong tuwane lan dulur-dulur e. Nanging kabeh iku sia-sia kaya
melbu kuping tengen metu kuping kiwa. Bener wae saya sue Huripto saya ndadi,
kerjaan e sabendina mung nggantungake urip e nang angka-angka liar iku. Huripto
ora anak e wong sugih, malah Huripto urip e kurang, digawe mangan wae deweke
kudu ngadu nasib nang togel, sing luwih mangkelno maneh deweke jarang begja.
Dina iku suasanane ing
desane Huripto seger banget. Mbuh ngipi
opo Huripto dumadake tangi esuk lan ngewangi bapak e dodolan nang pasar. Bapak
e saya kaget lan takon
“ ana apa kowe kok aneh
tenan? Dungaren ngiwangi bapak, biasane yahmene ijek molor ing dhuwur kasur”,
sauté bapak e
“aku wes gedhe pak, aku
getun uripku tak gawe sing ora bermanfaat gawe wong liya” jawab e Huripto
Bapak e banjur jawab “
Alhamdulillah le, akhir e kowe sadar”
Huripto langsung ngewangi
bapak engangkat sawi sing akehe
rongpuluh sak sing lagi dipanen saka tegalan.
Sawentara jam 7 an Huripto
lan bapak e teka ana pasar, deweke langsung ngusungi sawi-sawi nang bakul-bakul
sing wis pesen sakdurunge. Salah siji bakul blonjo mau jenenge Mbok Sumi, Mbok
Sumi dodolan blanja ing pasar direwangi karo anak e sing jeneng e Ayu. Huripto
ngeterake sawi mau ing Mbok Sumi, ladalah gak sengaja dewekw kesandung, Ayu
sing ndeleng kedadean iku langsung nulungi Huripto sing wis kelaraen.
“mangkane ati-ati mas,
pancen e dalan kene lunyu, opo meneh pasa wayah bar udan ngene” Ayu nuturi
Huripto
“iyo maturnuwun yo” jawab e
Huripto karo gugup amergo ndekeng Ayu sing pancene ayu tenan.
Wis ana 3 ulan suwenw
Huripto kenal karo Ayu,lan akhire deweke kawin. Kawin wis oleh 2 lan Ayu
meteng, Huripto bungah banget ngerti nek bojone meteng. Saya suwe weteng e Ayu
saya gede, iu tandane Ayu wis meh babaran . huripto wis golek silihan dhuwit
mrono-mrene nanging ora ana kasil e.
Wis sumpek oleh e mikir
akhire Huripto pikiran e balik kaya biyen maneh. Nanging saiki Huripto
kepikiran nek deweke nyolong kayu deweke bakal oleh dhuwit akeh amerga regane
kayu jati iku dewe yo larang.
Sesok e Huripto nekat budal
ing alas gawe nyolong kayu. Huripto ndeleng situasi ing sak ubenge alas, wis
dirasa wis aman Huripto langsung jupuk kayu cilik-cilik sing wis ceblok. Ora
disangka Huripto ketangkap polisi alas sing lagi tugas njaga alas iku.
Tanpa basa-basi Huripto
sanalika digawa menyang kantor polisi. Sawise nang kantor polisi Huripto
disidang rna-rene. Wis teka keputusane pungkasan hakim, Huripto dihukum 20 taun kurungan. Huripto ora terimo
marang keputusun iku, banjur ngadek lang ngomong
“pak, kula niki pancen wong
cilik, naming kula boten korupsi kados tiyang ageng menika, kula ngelako’ake
ngeteniki inggih gara-gara yatra sing kudune kagem tiyang cilikkados kula niki
dipangan kalihan tiyang-tiyang dhuwuran. Jerene pemerintah mbela wong cilik,
nanging apa nyatane pak? Tiyang duwuran kathah ingkang korupsi nanging kok
tasik sadeg keluyuran dating bali? Menapa niku ingkang diarani keadlian? Bantah
e Huripto menyang pak hakim.
Nanging hakim tetep wae
orang nggagas. Huripto pancet wae dihukum 20 taun kurungan.
Yo
wis ngono iki lah humum nang Negara ne awake dhewe, diibaratna kaya peso landep
mengisor kethul mendhuwur, paribasan Asu Gedhe Menang Kerahe sing tegese Wong
kang dhuwur pangkaye, mesthi bae luwih gedhe panguwasan. Senajan ngelakoni
kesalahan sing gedhe nek pangkat e dhuwur lan dhuwit e akeh hokum isa dituku.
Senajan wong cilik ngelakoni salah cilik o kaya apa pancet wae dihukum abot
kaya dene ceritane Huripto ing dhuwur.